Үндэсний аюулгүй байдлыг хуралдуулах тухай

Цаг үеийн байдлаар мэдэгдэл хийх гэсэн юм аа. За энэ яригчийг битгий хаачхаарай. Ойрын хэдхэн сарын хугацаанд юу юу болж өнгөрснийг сануулъя.

-Гадаадын онгоц ирж, гадаадын тагнуулын алба Монголд Улсад баривчилгаа хийсэн.

-Галт тэрэг замаасаа унаж онхолдлоо.

-Яам, тамгын газар дотор хүн амины хэрэг гарлаа.

-Орон даяар гэрэл цахилгаан тасарлаа.

-Айлын гэрээс их хэмжээний мөнгө гарлаа.

-Тагнуулын алба баривчилгаа, нэгжлэг хийлээ.

-Гадна, дотны тагнуулууд ирлээ гэсэн нийгмийг цочроосон, сүрдүүлсэн, учир битүүлэг хэргүүд ар араасаа гарч байгаатай холбогдуулан Монгол Улсын үндэсний аюулгүй байдал хуралдаач ээ! Үнэхээр эдгээрийг харсаар тэссэнгүй ээ, намрын чуулганы нээлт дээр Ерөнхийлөгч, УИХ-ын дарга нарын үгийн хооронд эрх ашгийн зөрүү гарсан.

Дуугүй их харлаа. Төрийн 3 өндөрлөгийн нэг нь ч болтугай энэ өндөр сэнтий дээрээс төр түмэндээ “үүнээс болчихжээ, ингэчихжээ” гээд тайлбар хийх юм болов уу гээд маш их харлаа байдаггүй. Дээр дурдсан асуудлууд бол Үндэсний аюулгүй байдлын зөвлөл хуралдах маш ноцтой шалтгаан юм. Үүнийг харчхаад хэлээ хазаад сууж байгаа Ерөнхий сайдтай байгаад ч хэрэг алга, аймшигтай нийгмийг бүтээчхээд сууж байгаа өөрийгөө Ерөнхийлөгч хэмээн нэрлээд сууж байхын ч хэрэг алга. 76-г ахлаад сууж байгаа дарга та бас дугараач ээ! Дуугүй байвал мартчихдаг гэж бодоод байгаа юм уу, хаашаа юм? Энэ улс оронд ийм айхтар нөхцөл байдал үүсчхээд байхад, эндээс ч тийм зээллэг авлаа, тэрэнтэй ч очиж гар барилаа гээд тэгээд л одоо энд тэндэхийн улс орны аваргын дэвжээ хэсээд, төмөр өргөж гүйгээд байдаг ерөнхийлөгчтэй боллоо. Маш их хугацаа өнгөрлөө, энэ хооронд та нар хуралдсангүй. Энэ хурлыг хийх нь та бүхний үүрэг. Энэ айж цочирдсон айхтар нийгмийг та 3 мэдээлэл хийн зөөлрүүлж, зөвшрүүлэх ёстой шүү дээ. Та гуравт албажуулж өгнө. Та бүхэн зуныхаа зугаалга, найр наадмаа дуусгаад, орон овоохойдоо ирээд хөдөлмөр чинь жигдэрсэн юм бол энэ асуудлуудаа яаралтай богино хугацаанд хийж, түмэн олондоо зөв мэдээллийг өг гэж шаардаж байна.