Одоо цөөхөн хэдхэн хулгайч иддэг тогтолцоо дууссан, дуусах цаг болсон

“Нохой тавихаар баас алдана” гэж, аль жилийн өмнө л хэлж байсан шүү дээ. Ноднин 4 сард байн байн хэлээд байсан даа. Одоо ингээ л яг хоолой дээр нь юм тулаад ирэхээр зэрэг шийдвэрээсээ буцаж байна. Дүлий царайлаад ингээд л амьдраад л яваад байдаг. Их л онигоотой л юм болж байна даа. Баахан хууль дүрэм зохицуулалт гээд ингээд байдаг. Бодит хөрсөн дээр буудаггүй. Яг гол асуудлуудыг нь шийдээгүй байж, цаасан дээрх энэ их асуудлыг шийдээд өгчихсөн явдал бол манай Монголын маш том эмгэнэл. Энэ цаасан дээрх зүйлийг амьдралд тулгах ёстой юм уу? Амьдрал дээрх зүйлийг цаасан дээр буулгах ёстой юм уу? Энэ хоёрын зөрүүн дээрээс маш олон хүн өвдөж байна, үхэж байна. Монголчууд өлсөж байна, ядарч туйлдаж байна шүү дээ. Тэгээд л энд хэрэлдээд суугаад байдаг, одоо нэртэйгээр нь энэ ардын нам нь улаан балаар бичих хэрэгтэй, энэ сандлуудаа улаан цэнхрээр нь будах хэрэгтэй. Нэртэйгээр нь будчих! Өнөөдөр цэцэрлэгийн хүүхдүүд ч ингэж суухгүй байгаа шүү. Цэцэрлэгийн хүүхдүүд харин ч төрийнхөө дууллыг дуулаад, нэгдээд сууж байгаа. Гэтэл өнөөдөр нохой шиг хэмлэлдэж байгаагаа харцгаа, шившиг! 3, 4, 5 сонгогдсон гээд таахайгаад байгаа гишүүд байна. Тэгээд өнгөрсөн хугацаанд энэ хүмүүс юу хийсэн бэ? Яг монголын амьдралд бодит юу хийсэн бэ? Та нар “4 жилийн өмнө бид ингэсэн, за одоо яг ингэх гэж байна” гэж явсаар байтал энэ амьдрал, цаг хугацаа Монгол түмэн чинь үрэгдэж, бэртэж дууслаа. Миний хувьд анх удаа сонгогдсон ч асар их зүйлсийг анзаарлаа, харууслаа, харамслаа, гуниглаж байна. Монголын төлөө хэн зүтгээд байгаа юм бэ? Монголчууд маань яасан их тэвчээртэй юм бэ? Яасан их гэгээн юм бэ? Ёстой л нөгөө “Бор гэртээ богд, хар гартээ хаан” гэдэг шиг ингээд л тэвчиж тэсээд л, гадаадад очиж боол хийгээд байж байна. Монгол түмнээрээ, энэ их тэвчээрээр бахархаж байна. Энд үнэхээр монголын төлөө зүтгэж байгаа хүн байгаа юм уу? Өөрийнхөө л төлөө зүтгээд ... “Ганцаараа идсэн гахай таргалдаггүй” гэж үг байдаг шүү! Одоо олуулаа идье ээ! 3 сая хүн байгаа шүү. Одоо цөөхөн хэдхэн хулгайч иддэг тогтолцоо дууссан, дуусах цаг болсон. Нарийн яривал Жавхлан ч одоо шийдэж чадахгүй байна л даа. Яагаад гэвэл би ганцаараа байна. Гэхдээ маш олуулаа болох цаг ирнэ!