![[Social Podcast] Yalalt & Baji - Episode 08 w/Javkhlan](https://img.youtube.com/vi/39IC0TeHo5M/maxresdefault.jpg)
"МОНГОЛ ЭВ НЭГДЭЛ" ТӨСӨЛ БУЛГАН АЙМАГТ
Манай "Монгол эв нэгдэл" төслийн хамт олныг аймгийн удирдлагууд анхдагчдын алдрын талбайдаа угтан авлаа.
Бид үндэсний үйлдвэр эрхлэгчдийнхээ бараа бүтээгдэхүүнийг сурталчлахын сацуу аймгийн хөгжилд хувь нэмрээ оруулж, хөгжүүлж яваа "Мээжийн сүү" сүү цагаан идээний үйлдвэрээр орж танилцлаа. Тус үйлдвэр хоногт 10-15 тонн сүү боловсруулах хүчин чадалтай, малчид, фермерүүдээс сүү цуглуулж 420 гаруй тонн сүү, цагаан идээ үйлдвэрлэдэг юм байна.
Булган аймгийн айраг улсдаа хэдийн танигдсан алдартай. Монголын хамгийн олон адуутай буюу таван түмэн адуутай Сайхан сумын малчдын эсгэсэн айраг "Үндэсний шилдэг-99" бүтээгдэхүүний шагнал хүртэж, 2015 онд оюуны өмчөөр баталгаажсан байна.
Булганчууд, "МОНГОЛ ЭВ НЭГДЭЛ" Төслийн удирдагч санаачлагч ТУЗ-ийн дарга Г.Гангамөрөнг хөхүүрийн айргийг ЮНЕСКО-д бүртгүүлэх ажлын хэсэгт гар бие оролцон ажиллаж, айргийг дэлхийн зах зээлд гаргах бас нэгэн боломж нээсэн хэмээж, талархаж явдгаа илэрхийллээ.
Та сэтгэгдлээ хуваалцана уу
