Банкны тухай хуулийн хуралдаан

Арилжааны банкны тухай, Монгол банкны тухай, Банкны хадгаламжийн даатгалын тухай хуулиудад нэмэлт өөрчлөлт оруулж байна. Ингээд хуулинд өөрчлөлт оруулж байна гээ л хэлэлцээд байдаг. Түмэн олонд алга таших нэг ч үйлдэл гардаггүй ээ. Бодит хөрсөн дээр буусан нэг ч юм байхгүй, том том юм яриа л сууцгаагаад байдаг. Энэний чинь цаана улсын их хурлыг тоож байгаа нэг ч хүн байхгүй боллоо. Уг нь энэний оронд овт-шаартангуудыг ярьж баймаар байгаа юм ш дээ. Овт-шаартангууд тэр этгээдүүд хаана байна? Түмэн олон цалин, тэтгэврийн зээлэнд баригдаад дууслаа, та минь ээ. Баяраас баярын хооронд дэлгүүр тэжээгээд юун хөгжил байтугай л юм болж байна. Уг нь энэ улс орон юм бол өр шир биш, хуримтлалтай ар амьдрал нь баталгаатай болгох ийм зүйл рүү л явах ёстой байгаа юм. Нэг л их айхтар банк санхүүгийн юм яриад л байдаг яриад л байдаг, нэг жаахан аар саархан юманд сэтгэл гарахгүй л байгаа байхгүй юу. Би зүгээр л нэг энгийн жишээ та нарт хэлмээр байна. Энэ оюутнуудын дунд, иргэдийн дунд хөдөөнөөс аав, ээж нь малаа зараад мөнгө шилжүүлж байна л даа, энэнээс нь энэ арилжааны банкууд дандаа шимж байдаг. Одоо энэ төв банк, арилжааны 14 банк байдаг гэж байна, ерөөсөө энэ арилжааны банкнууд шимээл сууж байдаг, одоо ингээд нэг хүнээс нөгөө хүн рүү шилжүүлэг хийхэд л 50, 100, 200₮ , өөр өөр банкнаасаа хамаараад 300, 600₮ шимээд л байгаа байхгүй юу даа. Түмэн олноосоо шимээд л байдаг, ядаж ийм юмнаасаа больж болдоггүй юм байх даа? Үүнийг зохицуулна гээд ядаж яриад сууж байх ёстой юм байгаа юм шүү дээ. Хөдөө орон нутгийн оюутны аав ээж нь нэг замын унаанд тогоо сүү тавьсанд өнөө тэрэгний жолооч нь “Хүүхдүүдэд чинь үүнийг аваачиж өгснийхөө хариуд хагасыг нь таслаад авна” гэвэл хэцүү шүү дээ. Яг ийм зүйлүүдийг арилжааны банкууд хийгээд сууж байгаа байхгүй юу. Тэгэхлээр ийм зүйлүүдийг ядаж оруулаад өгвөл хичнээн мянган оюутан залуучууд баярлах бол? гэх жишээгээр ийм зүйлүүдийг бодмоор байна нөхдүүд ээ! Овт-шаартангуудын мөнгийг оруулж ирж утаагаа арилгая, өрөө төлье, байшингаа бария, түмнээ тэжээе гээд өнөөдөр яриад сууж байсан бол яг таарах байлаа. Үнэхээр дэндүү байна, яана ч гэх вэ дээ. Зуун жилийн өмнө манж, хятадын пүүсүүд Монголчуудыг өрөнд оруулаад дуусгаж байсан гэдэг. Яг түүн шиг шимж идэн өнөөдөр дуусгаад, хамгийн эцсийн цэг дээрээ тулж ирж байна даа. Тухайн үед дансыг нь шатааж байсан гэнэ лээ, одоо бол энэ ялыг нь үүрүүлээд дээрээс нь энэ бүх багаж хэрэгслүүдийг дэвсэж хагалах чинээнд ирж байна шүү! Ийм цаг ойртож байна. Энд том том яриад сууж байдаг. Энэ болохгүй ээ!