ТОМ ТОМ БАЙШИНГАА ЦЭЦЭРЛЭГ БОЛГОЖ ХАНДИВЛААД, ТҮМНИЙХЭЭ ДУНД ГЭР БАРИАД АМЬДАРЦГАА!

Монголчууд зөв эдийн засаг буюу эд юмаа засаж чаддаг байх үедээ 90 оноос өмнө дотооддоо 6000 гаруй нэр төрлийн бүтээгдэхүүнийг хийж үйлдвэрлэж байжээ. “Айлаас эрэхээр авдраа уудал” гэгчээр түмэн олондоо итгэж хандаач ээ! Бүгдээрээ хамтдаа ингэж амьдарья, ийм зөв байдал уруу оръё гээд уриалъя. Та нар энэ амьдарч байгаа хүүхдийн сургууль шиг том том байшингуудаа болиод гэрээ бариад түмнийхээ дунд энгийн амьдарцгаа! Монголоо хямралаас гаргах бол энэ үзэл баримтлалаар явах ёстой. Энэ бол маш том бодлого. Ганцаараа гоё сайхан байх аминчхан үзэл биш, бүгд нийлээд Монголоо гоё сайхан болговол зөв босгосон Монголдоо нийтээрээ тэгш сайхан амьдарна. Ингэхгүйгээр энэ амьдрал чинь цаашаа явахгүй ээ. Та нар үүнийг хэзээ ухаарах юм бэ?