ХУМСЫГ ХУУРАЙДАЖ АВДАГ

Одооны эмэгтэйчүүд гоо сайхан гадаад үзэмжиндээ ихэд анхаарч, сайхан харагдахын тулд янз бүрийн юм хэрэглэдэг. “Монголчууд эрт дээр үедээ бохир заваан, бүдүүлэг байсан” гэж ярьдаг. Үнэндээ монгол эмэгтэйн гоо сайхны хэрэглэл гэж  “таван саваагүйгээс” өгсүүлээд чамин тансаг зүйл их байсан. 

Эртний монголчууд хумс авах хэрэгслийг ихэвчлэн үхрийн гүзээгээр хийдэг байжээ. Үхрийн гүзээг дарайлгаж, хатааж байгаад хумсаа үрж авдаг байв. Одоо бол бид хумсны хутгаар хавчаад, хөшөөд, тасдаад авдаг.

Таны ясыг хугалж, тасдахад танд ямар санагдах бэ? Яав ч тааламжтай мэдрэмж төрөхгүй. 

Хумс бол мэдээгүй эрхтэн. Мэдээгүй эрхтэн мөртөөсөө хамгийн их мэдрэмжийг хүн рүү оруулдаг эрхтэн. Тийм учраас хумсыг ерөөсөө огцом авдаггүй. Хумсаа огцом авсан тохиолдолд “яс алдана” гэдэг бөгөөд тийм өвчин байдаг. Хумсаа хумсны хутга хайчаар огцом авахад яс алддаг болдог. Тийм болохоор хумсыг үрж авах ёстой.

Монголчууд үхрийн гүзээг хатаагаад далд хийчихдэг байсан бөгөөд тэр нь жилээс жил ирэх тусам хатуу болж, сайн чанарын хуурай болдог байсан байна. Түүгээрээ хумсаа үрж авдаг байжээ.